يوتيوبر تقدم روشتة امتلاك المرأة قلب زوجها: «اعملي زي روقة ومتدوريش وراه»

تحدثت الكاتبة واليوتيوبر فاطمة الزهراء، عن وسائل امتلاك المرأة قلب الرجل، مؤكدةً أن كل الرجال يمتلكون أسلوب حياة متشابه إلى حد كبير: «كلهم بيشتغلوا ويروحوا لأصحابهم على القهوة أو يلعبوا بلايستيشن أو كورة ويناموا، وبالتالي لازم تسيب له مساحة شخصية يقدر يفرغ فيها طاقته، ومتبقاش واقفة على دماغه، ولازم تبقى تحت طوعه مينفعش تكبر عليه أو تتنطط عليه».

وأضافت «الزهراء»، خلال حوارها ببرنامج «الستات مايعرفوش يكدبوا»، الذي يعرض على قناة «cbc»، وتقدمه الإعلاميات منى عبد الغني وهبة الأباصيري وإيمان عز الدين، أنه لا يجب التعامل مع الحياة الزوجية كحرب أو مباراة فيها تنافس، مشيرةً إلى أهمية عدم طلب أي شيء من الزوج بعد رجوعه من عمله.

وعن أساليب «الدلع»، أكدت ضرورة عدم الإفراط فيه: «تفصص له السمك، لأن مفيش راجل بيعرف ياكل سمكة لوحده، وتعمل له الأكلات اللي بيحبها، كمان الراجل يحب ويفضل شخصية روقة في فيلم نور الشريف، لكن لو خان الدلع يقف».

عدم التقصي وراء الخيانة

ونصحت الكاتبة، السيدات بعدم التقصي عن أزواجهن والتأكد من خيانتهم لهن: «اللي يدور يستحمل، لأننا لو دورنا ورا أي مخلوق لازم هنلاقي حاجة، نبعد عن الشر ونغني له، لكن لو اكتشفت لوحدي مش مش بطريقة مباشرة،…